कमला हॅरिस अध्यक्षपदासाठी फाइनल! जो बायडन यांचाही पाठिंबा

वॉशिंग्टन, ३ ऑगस्ट भारतीय वंशाच्या कमला हॅरिस या अमेरिकेच्या अध्यक्षपदाच्या निवडणुकीसाठी अधिकृत डेमोक्रॅटिक उमेदवार बनल्या आहेत. उपराष्ट्रपती कमला हॅरिस यांनी सोशल मीडिया प्लॅटफॉर्म एक्सवर पोस्ट करून ही माहिती दिली आणि आनंद व्यक्त केला.

डेमोक्रॅटिक नॅशनल कमिटीने शुक्रवारी जाहीर केले की, हॅरिस यांनी डेमोक्रॅटिक पक्षाची उमेदवारी मिळवण्यासाठी पुरेशी प्रतिनिधी मते मिळवली आहेत. यामुळे हॅरिस या अमेरिकेच्या अध्यक्षपदासाठी प्रमुख राजकीय तिकिटावर निवड झालेल्या पहिल्या कृष्णवर्णीय महिला बनल्या आहेत.

कमला हॅरिस यांनी आपल्या पोस्टमध्ये लिहिले आहे, युनायटेड स्टेट्सच्या राष्ट्राध्यक्षपदासाठी डेमोक्रॅटिक उमेदवार म्हणून मी सन्मानित आहे. मी पुढील आठवड्यात अधिकृतपणे नामांकन स्वीकारणार आहे.

यापूर्वीच अध्यक्ष जो बायडन यांनी निवडणुकीतून माघार घेतली आहे आणि हॅरिस यांना उघडपणे पाठिंबा दिला आहे. बायडन यांनी सोशल मीडियावर पोस्ट केलेल्या पत्रात म्हटले आहे की, अमेरिकेचे राष्ट्राध्यक्ष म्हणून सेवा करणे हा माझ्या आयुष्यातील सर्वात मोठा सन्मान आहे. मी पुन्हा निवडणुकीसाठी उभे राहण्याचा मानस होता, परंतु पक्ष आणि देशाच्या हितासाठी मी माघार घेण्याचा निर्णय घेतला आहे.